Preparing for the NDIS in WA - Samoan

  • O le ā le NDIS?
  • Pe faapefea ona kilivaina le NDIS i vaega o Ausetalia i Sisifo (WA)?
  • Pe faapefea ona ese mai le NDIS lea e kilivaina ile atunuu atoa male le NDIS i WA?
  • Ole a le uiga o lenei suiga mo tagata o WA ile NDIS?
  • Pe faapefea ona faagasolo atu le NDIS i WA?
  • Pe faapefea ona ou maua nisi faamatalaga faaopoopo?
  • Nofoaga o iai ofisa ole NDIS
  • Faamatalaga mo fesootaiga agai ile NDIS

Ole NDIS latou te saunia le lagolago mo tagata Ausetalia e iai manaoga tumau, o latou aiga ma tausisoifua. O lea fuafuaga e lagolagoina le tutoatasi, auai i meafai ale komiuniti, galuega male soifua laulelei mo tagata e iai manaoga tumau.

O le ā le NDIS?

Ole NDIS ose fuafuaga fou a Ausetalia aoao e saunia ai le lagolago mo tagata e iai manaoga tumau, o latou aiga ma tausisoifua. Ole NDIS ole a ia saunia mo tagata Ausetalia uma i lalo ole 65 tausaga le matutua ae iai manaoga tumau ma i latou e ogaoga tele aafiaga, le lagolago e talafeagai ma alagatatau ina ia soifua ise soifuaga faapei o tagata uma.

Pe faapefea ona kilivaina le NDIS i vaega o Ausetalia i Sisifo (WA)?

E lua ni models (ata faataitai) ole NDIS o loo faia ai i WA talu mai IULAI 2014:

  • ole WA NDIS (sa faaigoa muamua ole MY Way) faagaioia ele faigamalo a WA; ma
  • le NDIS sa kilivaina ile atunuu atoa faagaioia e le National Disability Insurance Agency (NDIA)

Ole Commonwealth male faigamalo a WA na o latou faalauiloa ia Tesema 2017 ole a faailoa le NDIS lea sa kilivaina ile atunuu atoa i WA ma na amata faataatia mai ia Iulai 2018. O lona uiga e uma ane ole a nao le tasi le NDIS ia Ausetalia atoa, faasolo i ona setete uma ma teritori.

O sui auai ole NDIS i Wa o loo transfer pe faasolo ane ile NDIS kilivaina ile atunuu atoa, ma o loo faavaega ona faatino.

Ole NDIA male faigamalo a WA o loo naunauta'i e faamautu le lagolago ia faamautinoa ai le sologa lelei ole fesuiaiga mo sui auai, aiga ma tausisoifua faapea providers.

Pe faapefea ona ese mai le NDIS lea e kilivaina ile atunuu atoa male le NDIS i WA?

Ole NDIS i WA sa kilivaina Faigamalo a le Setete o WA mo tagata o WA, ao le NDIS ose polokalame ale atunuu atoa e kiliva ele Faigamalo ale Commonwealth.

Ole a le uiga o lenei suiga mo tagata o WA ile NDIS?

Ina ua avanoa le NDIS i vaega o nonofo ai tagata o loo iai ile NDIS a WA, ole a o latou mauaina se tusi mai le Faigamalo a West Australia poo Ausetalia i Sisifo e fesiligia ai i latou mo la latou ioega e transfer ai pe toe suia ai i latou ile NDIS ale atunuu atoa. Ole tuuina ifo o le ioega e faataga ai sui auai ole NDIS a WA ina ia o latou mauaina nai suiga e ala ile toe suia poo le transfer o a latou lagolago o loo iai i lea taimi.

O i latou o le a toe sui ane ile NDIS ale atunuu atoa, e ono fesiligia i latou mo se iloiloga o la latou Fuafuaga (Plan) ao lei suia ane, pe afai lava e finagalo ai. A lē o lea, afai ose tagata e aofia ile polokalame (recipient) e mana'o lava e faatumauina pea ana lagolago o loo iai, e lē afaina lea. Ise iloiloga mo se fuafuaga, ole a lagolagoina oe e le au galulue poo planners ale NDIS ma ole a mafai foi ona e aumaia sau tausisoifua poo ni sui o lou aiga, faatasi ai ma lau Faatonu Faalotoifale (Local Area Coordinator).

O nisi o faamatalaga e auga mai i le iloiloga o fuafuaga pe a maea ona toe suia mai (transfer) o loo avanoa foi ile Western Australia -Questions and answers upega tafa'ilagi.

Afai ua tatau ona iloilo lau Fuafuaga mole NDIS i WA ae e le'i amataina atu le NDIS ale atunuu atoa i lou pitonuu mae le'i faafesootaia foi oe, o lona uiga e tatau ona faia lau iloiloga mo lau fuafuaga ile NDIS i WA e lau Faatonu Faalotoifale.

Pe a maea ona suia (transfer) ona faatino lea ose iloiloga atoa o faamoemoega, metotia ma lagolago a sui auai ole fuafuaga ale NDIS, e faia lea i leisi aso mo iloiloga poo totonu ole 12 masina pe a maea ona transfer.

Pe faapefea ona faagasolo atu le NDIS i WA?

O tagata o loo ua o latou mauaina nei le lagolago mai le NDIS i WA:

O tagata e iai manaoga tumau o loo ua o latou mauaina nei le lagolago mai le NDIS i WA, ole a toe suia ile NDIS kilivaina ile atunuu atoa e pei ona faatulaga atu ai i lalo:

  • North East Metro ma inner Wheatbelt (Aperila ia Iulai 2018)
  • South Metro (Iulai ia Novema 2018)
  • Central South Metro (Aukuso ia Oketopa 2018)
  • Lower South West (Setema ia Tesema 2018)
  • Kimberley ma Pilbara (Oketopa ia Tesema 2018)

O tagata e iai manaoga tumau ae le'i mauaina ile taimi nei ni lagolago mai le NDIS i WA:

Ole NDIS o loo kilivaina ile atunuu atoa ole a faasolosolo atu lava ona avanoa mo tagata i WA e pei ona faailoa atu i lalo:

  • Mai le aso 1 o Iulai 2018 -Wheatbelt ma vaega o Central South Metro
  • Mai le aso 1 o Oketopa 2018 - Goldfields -Esperance, vaega o North Metro ma isi sui auai fou i vaega o South West.
  • Mai ile aso 1 o Iulai 2019 - Midwest Gascoyne, Great Southern, Central North Metro ma vaega o South East Metro
  • Mai ile aso 1 o Iulai 2020 - Christmas Island ma le Cocos (Keeling)Islands

O faamatalaga faatatau ile faigamalo faalotoifale i vaega o loo aofia atu i lenei fuafuaga o loo avanoa i le itulai o le faasologa a WAile upega tafa'ilagi ale NDIS. O tagata o loo mauaina nei le auaunaga mo manaoga tumau mai le Faigamalo a Ausetalia i Sisifo poo Western Australia poo isi polokalame ale Commonwealth, ole a faasolo ane polokalame mai le NDIS i taimi eseese lava, fuafua lava poo fea e aumau ai male ituaiga o lagolago o loo latou mauaina. Afai o loo e mauaina le lagolago mai le Faigamalo a Western Australia poo le Commonwealth, ole a faafesootai atu oe e le Vaega a le National Access ale NDIA pe a oo ile taimi e te faasolo ane ai i le NDIS.

O lagolago o loo avanoa ile taimi nei i lalo o le NDIS a WA ole a faasolo pea ina faatulaga atu seia oo ina transfer agai i le NDIS kilivaina mole atunuu atoa.

Afai ete le'i mauaina ni lagolago muamua, e mafai ona e agavaa mole NDIS pe afai e te faamalieina aiaiga ma tuutuuga o loo ile upega tafa'ilagi ale NDIS.

Pe faapefea ona ou maua nisi faamatalaga faaopoopo?

Ole vaega aupito sili mole maua mai ai o faamatalaga faatatau ile NDIS o loo ile upega tafa'ilagi ale NDIS (External website) ile www.ndis.gov.au (External website). Ole upega tafa'ilagi e aofia ai mase video puupuu faatatau ile faasologa ole NDIS i WA ma le itulau o fesili ma tali.

O polokalame poo sessions faia fua e faatatau ile NDIS ole a avanoa atu mo tagata e iai manaoga tumau, o latou aiga, tausisoifua ma providers, ia o gatasi male faasologa atu ole NDIS. O faamatalaga auiliili ole a lomia atu ile events page ale WA ile upega tafa'ilagi ale NDIS ma faalauiloa atu i nusipepa male social media.

Ole NDIA ua o latou faalauiloa atu ni tusi se tolu mo sui auai (External website) e lagolago ai tagata e iai manaoga tumau ma sui auai i le faasologa atoa o la latou faigamalaga male NDIS. O nei tama'itusi e faigofie ma fesoasoani ai i tagat e iai manaoga tumau, sui auai, o latou aiga ma tausisoifua male komiuniti aoao ina ia aoaoina ma silafia atili mea e faatatau ile NDIS, saunia foi ma fuafuaina fonotagat e ma faataunuu le fuafuaga.

Mo tagata e saunia auaunaga ae lei resitala mole NDIS, ole Provider Kit (External website) ile upega tafa'ilagi ale NDIS -ose meafaigaluega aoga tele lea e fesoasoani ai i providers ia malamalama i laasaga e fitu ole Provider Pathway ma o loo aofia ai laasaga uma faatatau ile matafaioi, videos ma fesili taatele (FAQs).

Nofoaga o iai ofisa ole NDIS

Ole ofisa o le NDIS i Perth Hills ile vaega o WA, o loo tatala mai le 9 ile taeao ile 5 ile afiafi, Aso Gafua ile Aso Faraile ile :

78-80 Railway Parade, Midland WA 6056

O isi ofisa faaopoopo ole a aofia atu i le Nofoaga mo ofisa ole NDIS ile upega tafa'ilagi pe a tatalaina.

Faamatalaga mo fesootaiga agai ile NDIS

Telefoni: 1800 800 110 (8 ile taeao-8 ile po)

Imeli: engagementwa@ndis.gov.au

Mo tagata e logonoa ma le tautala: TTY: 1800 555 677

Tautala ma Faalogo: 1800 555 727

Mo tagata e manaomia le fesoasoani ile Igilisi: TIS: 131 450

Contact us accessibility services

Translating and interpreting

For a free-of-charge translator or interpreter phone 1800 800 110

Text telephone

Phone 1800 555 727
then ask for 1800 800 110

National relay service

Visit the National Relay Service (External website) website or phone 1800 555 727 then ask for 1800 800 110

This page current as of
28 November 2018